Axtarış

Virtual Karabakh Karabakh Justice for khojaly
Azərbaycan Respublikasının Daxili İşlər Nazirliyi Azərbaycan Respublikasında ictimai qaydanın və ictimai təhlükəsizliyin təmin edilməsi, cinayətlərin qarşısının alınması və açılması sahəsində Azərbaycan Respublikasının qanunları ilə müəyyən edilmiş səlahiyyətləri həyata keçirən mərkəzi icra hakimiyyəti orqanıdır.
Press-relizlər Kriminal xronika Məlumatlar
Gün ərzində 103 cinayət faktı qeydə alınmışdır
23 fevral 2018

Respublikanın daxili işlər orqanları tərəfindən gün ərzində 103 cinayət faktı qeydə alınmış, onların da 18-i “isti izlər”lə açılmışdır. 

  • Əvvəlki dövrlərdə bağlı qalmış cinayətlərdən gün ərzində 6-nın açılması təmin olunmuşdur.   
  • Axtarışda olduğuna görə 60 nəfər saxlanılaraq aidiyyatı üzrə təhvil verilmişdir. 
  • Respublikanın avtomobil yollarında 3 yol-nəqliyyat hadisəsi baş vermiş, nəticədə 1 nəfər ölmüş, 2 nəfər xəsarət almışdır.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 8, qanunsuz saxlanılan silah-sursatla bağlı 1 fakt müəyyən edilmişdir. 
  • Cinayət törətməkdə şübhəli bilinən 32 nəfər saxlanılmışdır.

Qanunsuz 4 ədəd küknar ağacını kəsməkdə şübhəli bilinən Bakı şəhər sakini Rüfət Novruzov müəyyən edilərək saxlanılıb
23 fevral 2018

Fevralın 22-də gecə saatlarında paytaxtın Nizami rayonunun Q.Qarayev prospekti ev 59-un qarşısında 4 ədəd küknar ağacı kəsilib.

Faktla bağlı Nizami Rayon Polis İdarəsində Cinayət Məcəlləsinin 259-cu (Qanunsuz ağac kəsmə) maddəsi ilə cinayət işi başlanılıb.   

24-cü Polis Bölməsi əməkdaşlarının keçirdikləri əməliyyat-axtarış tədbirləri ilə ağacları qanunsuz kəsməkdə şübhəli bilinən Bakı şəhər sakini Rüfət Novruzov müəyyən edilərək saxlanılıb.

Nardaran qəsəbə sakini Ramin Məmmədov tüfəngi könüllü olaraq təhvil vermişdir
23 fevral 2018

Aparılmış profilaktiki tədbirlər nəticəsində Nardaran qəsəbə sakini Ramin Məmmədov “İJ-16” markalı tüfəngi könüllü olaraq Sabunçu RPİ  42-ci Polis Bölməsinə təhvil vermişdir.

Oğurluqda şübhəli bilinən Kürdəmir rayon sakini Samir Salmanov saxlanılmışdır
23 fevral 2018

Bakı Şəhər Baş Polis İdarəsinin Cinayət Axtarışı İdarəsi və Nərimanov RPİ 16-cı PB əməkdaşlarının keçirdikləri əməliyyat tədbirləri nəticəsində fevralın 12-də S.Amanovaya məxsus yardımçı təsərrüfatlardan birindən oğurluğa cəhd göstərmiş, habelə ona məxsus anbardan məişət əşyaları oğurlamaqda şübhəli bilinən Kürdəmir rayon sakini, əvvəllər məhkum olunmuş Samir Salmanov saxlanılmışdır. Ətrafında aparılan tədbirlərlə onun Cinayət Məcəlləsinin 177-ci (oğurluq) maddəsi ilə axtarışda olması da müəyyən edilmişdir.  

Oğurluqda şübhəli bilinən Bakı şəhər sakinləri Ramil Xəlilzadə və Ümid Aslanov saxlanılmışlar
23 fevral 2018

Səbail RPİ 8-ci PB əməkdaşlarının keçirdikləri əməliyyat tədbirləri nəticəsində şübhəli bilinən fevralın 19-da rayon ərazisindəki evlərin birindən 300 manat və 5000 rubl oğurlamaqda şübhəli bilinən Bakı şəhər sakinləri, əvvəllər məhkum olunmuş Ramil Xəlilzadə və Ümid Aslanov saxlanılmışlar.

Oğurluqda şübhəli bilinən paytaxt sakini Ümüdbəy Babayev saxlanılmışdır
23 fevral 2018

Fevralın 19-da Bakı şəhər sakini N.Ələmovanın mobil telefonunu oğurlamaqda şübhəli bilinən paytaxt sakini Ümüdbəy Babayev Nəsimi RPİ 20-ci PB-nin əməkdaşları tərəfindən saxlanılmışdır. 

Oğurluqda şübhəli bilinən Göygöl rayon sakini Elvin Niyazov saxlanılmışdır
23 fevral 2018

Cari il yanvarın 22-də  Gəncə şəhərindəki tibbi mərkəzlərdən birindən 60 manat pul, 400 manat dəyərində qızıl əşyalar və sənəd olan çanta oğurlamaqda şübhəli bilinən Göygöl rayon sakini, əvvəllər məhkum olunmuş Elvin Niyazov Nizami (Gəncə) RPİ-nin əməkdaşları tərəfindən saxlanılmışdır. 

arxiv