Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Gün ərzində 98 cinayət faktı qeydə alınmışdır
24 iyun 2018Respublikanın daxili işlər orqanları tərəfindən gün ərzində 98 cinayət faktı qeydə alınmış, onların da 23-ü “isti izlər”lə açılmışdır.
  • Əvvəlki dövrlərdən bağlı qalmış 9 cinayətin açılması təmin olunmuşdur.   
  • Axtarışda olduğuna görə ümumilikdə 7 nəfər, o cümlədən borclu şəxs qismində axtarışda olan 2 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 7 yol-nəqliyyat hadisəsi baş vermiş, nəticədə 5 nəfər ölmüş, 3 nəfər xəsarət almışdır. 
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 7 fakt müəyyən edilmişdir.
  • Cinayət törətməkdə şübhəli bilinən 24 nəfər saxlanılmışdır.
Oğurluqda şübhəli bilinən Füzuli rayonunun Kərimbəyli kənd sakini Elmin Həsənov saxlanılmışdır
24 iyun 2018Füzuli RPŞ əməkdaşlarının keçirdikləri əməliyyat-axtarış tədbirləri nəticəsində iyunun 23-də  rayon ərazisindəki evlərin birindən 600 manat, qızıl üzük və bankomat kartı, habelə həmin kartdan 400 manat çıxararaq oğurlamaqda şübhəli bilinən Kərimbəyli kənd sakini Elmin Həsənov saxlanılmışdır.
Xaçmaz şəhəri ərazisində “VAZ-2106”, “VAZ-21099” və “Toyota” markalı avtomobillər toqquşmuşdur
24 iyun 2018İyunun 24-də saat 19 radələrində Xaçmaz şəhəri ərazisində Köhnə Xaçmaz kənd sakini Kamran Mürsəlovun idarə etdiyi “VAZ-2106”, Quba rayon sakini Fariz Rüstəmovun idarə etdiyi “VAZ-21099” və Xaçmaz şəhər sakini Şahin Hümmətovun idarə etdiyi “Toyota” markalı avtomobillər toqquşmuşdur. Nəticədə K.Mürsəlovun xəstəxanaya yerləşdirilmiş sərnişini, Xaçmaz şəhər sakini Zaur Zeynalov orada ölmüşdür.

Xaçmaz RPŞ tərəfindən araşdırma aparılır.

Oğurluq etdiyinə görə tutulmuş E.Məstənovun Binəqədi rayonu ərazisindəki 2 avtomobildən pul və sənəd oğurlaması da müəyyən edilmişdir
24 iyun 2018Oğurluq etdiyinə görə tutulmuş Emil Məstənovun ətrafında Binəqədi RPİ 4-cü PŞ-nin əməkdaşları tərəfindən aparılmış əməliyyat tədbirləri ilə onun aprelin 8-dən mayın 19-dək olan müddətdə rayon ərazisindəki 2 avtomobildən pul və sənəd oğurlaması da müəyyən edilmişdir.
Oğurluq etdiyinə görə tutulmuş A.Ağayevin Abşeron rayonu ərazisindəki 4 evdən oğurluq etməsi də müəyyən edilmişdir
24 iyun 2018Oğurluq etdiyinə görə tutulmuş Asif Ağayevin ətrafında Abşeron RPİ-nin əməkdaşları tərəfindən aparılmış əməliyyat tədbirləri ilə, onun rayon ərazisindəki 4 evdən pul, DVD, inşaat materialları və elektrik naqili oğurlaması da müəyyən edilmişdir.
Soyğunçuluq törətməkdə şübhəli bilinən Abşeron rayon sakini N.İsrafilov saxlanılmışdır
24 iyun 2018İyunun 24-də Yasamal rayonu ərazisində naməlum şəxs Bakı şəhər sakini S.Abbasovaya zor tətbiq edərək içərisində pul və şəxsiyyət vəsiqəsi olan çantasını almışdır.

Yasamal RPİ 28-ci PB əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Abşeron rayon sakini, əvvəllər məhkum olunmuş Nadir İsrafilov saxlanılmışdır.

Lənkəran rayonunun Şağlaküçə kəndi ərazisində yol-nəqliyyat hadisəsi
24 iyun 2018İyunun 24-də saat 22 radələrində Lənkəran rayonunun Şağlaküçə kəndi ərazisində Yuxarı Təngivan kənd sakini Qafil Əliyev idarə etdiyi “VAZ-2107” markalı avtomobillə yolu keçən kənd sakini Mədət Şükürovu vurmuş və nəticədə piyada xəstəxanaya aparılarkən yolda ölmüşdür.

Lənkəran ŞRPŞ tərəfindən araşdırma aparılır.

Goranboy rayonunun Qaramusalı kəndi ərazisində yol-nəqliyyat hadisəsi
24 iyun 2018İyunun 24-də saat 23 radələrində Goranboy rayonunun Qaramusalı kəndi ərazisində kənd sakini Faiq Kazımov idarə etdiyi “VAZ-2106” markalı avtomobillə yolu keçən həmkəndlisi Nadir Rüstəmovu vurmuş və nəticədə piyada hadisə yerində ölmüşdür.

Goranboy RPŞ tərəfindən araşdırma aparılır.

Külli miqdarda narkotik qanunsuz dövriyyədən çıxarıldı
24 iyun 2018

Daxili işlər orqanları tərəfindən narkotik vasitələrin qanunsuz dövriyyəsi  və kultivasiya yolu ilə yetişdirilən narkotik tərkibli bitkilərin aşkar edilməsi istiqamətində tədbirlər qətiyyətlə davam etdirilir.

İyunun 23-24-də bu istiqamətdə keçirilmiş əməliyyat-axtarış tədbirləri nəticəsində çəkisi 8,7 kiloqrama yaxın narkotik vasitə və xeyli sayda çətənə kolları polis əməkdaşları tərəfindən aşkar edilərək götürülüb, həmçinin yabanı halda bitmiş, çəkisi 5 tona yaxın 10 min ədədə qədər çətənə kolları məhv edilib.

Belə ki, DİN-in Baş Narkotiklərlə Mübarizə İdarəsinin Qərb Bölgəsində Regional Şöbəsi əməkdaşlarının keçirdikləri əməliyyat-axtarış tədbirləri nəticəsində Şəmkir rayonunun Yeni Həyat kənd sakini Qabil Məmmədovun həyətyanı sahəsindən kultivasiya yolu ilə yetişdirilmiş 57 ədəd çətənə kolu, evindən isə 5 kiloqram 520 qram marixuana və 67 ədəd çətənə toxumu, Lənkəran Şəhər-Rayon Polis Şöbəsi  əməkdaşlarının keçirdikləri tədbirlər nəticəsində isə Səpnəkəran kənd sakini Xanlar Mehdiyevə məxsus torpaq sahəsindən kultivasiya yolu ilə yetişdirilmiş  29 ədəd çətənə kolu və çəkisi 2 kiloqram 715 qram olan marixuana götürülüb.

Şirvan Şəhər Polis Şöbəsinin əməkdaşları tərəfindən saxlanılan şəhər sakini, əvvəllər məhkum olunmuş Məhərrəm Rzayevdən 460 qram marixuana aşkar edilib.

Oğuz Rayon Polis Şöbəsinin əməkdaşları Bayan kəndi ərazisində çəkisi 2 ton 900 kiloqram olan 8400 ədəd, Ağdaş Rayon Polis Şöbəsinin əməkdaşları isə Malay kəndi ərazisində çəkisi 450 kiloqram olan 1200 ədəd yabanı halda bitmiş çətənə kollarını yandırılma yolu ilə məhv ediblər.
Bu istiqamətdə tədbirlər davam etdirilir. 

Hadisə yerindən yayınmaqda şübhəli bilinən sürücü saxlanılıb
24 iyun 2018

İyunun 23-də Nərimanov rayonu ərazisində Ucar rayon sakini Emil Həsənlinin avtomobillə vurulması nəticəsində aldığı xəsarətlərlə xəstəxanaya yerləşdirilməsi barədə daxil olmuş məlumatla əlaqədar dərhal 17-ci Polis Şöbəsinin əməkdaşları tərəfindən müvafiq tədbirlər həyata keçirilib. 

Araşdırmalarla piyadanın saat 13 radələrində Z.Bünyadov prospektində yolu keçərkən müəyyən edilməmiş avtomobillə vurulduğu məlum olub.

Həkimlərin səyinə baxmayaraq yaralının həyatını xilas etmək mümkün olmayıb.

DİN-in Təhlükəsiz Şəhər Xidməti və  17-ci Polis Şöbəsi əməkdaşlarının keçirdikləri təxirəsalınmaz əməliyyat-axtarış tədbirləri nəticəsində yol-nəqliyyat hadisəsinin “KİA” markalı avtomobillə törədilməsi müəyyən edilib. Yol qəzasını törədərək hadisə yerindən yayınmaqda şübhəli bilinən həmin nəqliyyat vasitəsini idarə edən  Kürdəmir rayon sakini Orxan Hüseynov polis əməkdaşları tərəfindən saxlanılıb.

Faktla bağlı Nərimanov Rayon Polis İdarəsində araşdırma aparılır.