Azərbaycan Respublikası Daxili İşlər Nazirliyi

Press-relizlər Kriminal xronika Məlumatlar
Gün ərzində 94 cinayət faktı qeydə alınıb
12 dekabr 2017

Respublikanın daxili işlər orqanları tərəfindən gün ərzində 94 cinayət faktı qeydə alınıb, onların da 12-si “isti izlər”lə açılıb. 

  • Axtarışda olduğuna görə 19 nəfər tutularaq aidiyyatı üzrə təhvil verilib. 
  • Respublikanın avtomobil yollarında 3 yol-nəqliyyat hadisəsi baş verib, nəticədə 1 nəfər ölüb, 2 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 2 fakt müəyyən edilib. 
  • Cinayət törətməkdə şübhəli bilinən 18 nəfər saxlanılıb.

Astara şəhər sakini Orxan Əlizadədən ümumilikdə 3,391 kq tiryək aşkar edilərək götürülmüşdür
12 dekabr 2017

Astara RPŞ əməkdaşlarının keçirdikləri əməliyyat-axtarış tədbirləri nəticəsində şəhər sakini Orxan Əlizadədən 41,2 qram tiryək götürülmüşdür. Onun yaşadığı evə baxış zamanı isə əlavə olaraq 3 kiloqram 350 qram tiryək də aşkar edilərək götürülmüşdür.

Lənkəran rayon sakini Azər Xalıqovu qətlə yetirməkdə şübhəli bilinən Neftçala rayon sakini Anar Əsgərov saxlanılmışdır
12 dekabr 2017

Dekabrın 12-də “Neft Daşları” platformasında yerləşən yataqxananın otaqlarının birindən Lənkəran rayon sakini Azər Xalıqovun üzərində çoxsaylı kəsilmiş-deşilmiş xəsarətləri olan meyiti tapılmışdır.

Pirallahı RPŞ əməkdaşlarının keçirdikləri əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Neftçala rayon sakini Anar Əsgərov saxlanılmışdır.

Araşdırma aparılır.

Avtomobil oğurlamaqda şübhəli bilinən Xırdalan şəhər sakini Yunis İmanov saxlanılıb
12 dekabr 2017

Abşeron Rayon Polis İdarəsinə Xırdalan ərazisində şəhər sakini Əliş İmanova məxsus “OKA” markalı avtomobilin qaçırılması barədə məlumat daxil olub.

Dərhal başlanan əməliyyat-axtarış tədbirləri ilə avtomobili qaçırmaqda şübhəli bilinən şəxs müəyyən edilib və saxlanılaraq istintaqa təhvil verilib.

Polis İdarəsində aparılan araşdırmalarla onun Xırdalan şəhər sakini Yunis İmanov olduğu müəyyən edilib. Ətrafında aparılan əməliyyat tədbirləri ilə onun oktyabrın 20-də şəhər ərazisindən Saray qəsəbə sakini Ağabəy Kələntərliyə məxsus “VAZ-2106” markalı avtomobili qaçırması da aşkar edilmişdir.

Polis əməkdaşları tərəfindən “OKA” markalı avtomobil Yasamal rayonu ərazisində tapılaraq maddi sübut kimi götürülüb.

Y.İmanovun “VAZ-2106” markalı avtomobili isə hissələrə bölərək metal qəbulu məntəqələrinə satdığı müəyyən edilib. Həmin avtomobilin bəzi hissələri onun yaşadığı evin həyətindəki zirzəmidən aşkar olunaraq maddi subut kimi götürülüb.

Oğurluqda şübhəli bilinən Bakı şəhər sakini Cavidan Əhmədli saxlanılmışdır
12 dekabr 2017

Cari il oktyabrın 17-də Binəqədi rayonu ərazisindəki evlərin birindən 300 manat oğurlamaqda şübhəli bilinən Bakı şəhər sakini, əvvəllər məhkum olunmuş Cavidan Əhmədli Binəqədi RPİ 40-cı PB-nin əməkdaşları tərəfindən saxlanılmışdır.

Kombi aparatı və 9 ədəd radiator oğurlamaqda şübhəli bilinən Bakı şəhər sakinləri Əbülfəz İzətullayev və Anar Kərimli saxlanılmışlar
12 dekabr 2017

Sabunçu RPİ 15-ci PB əməkdaşlarının keçirdikləri əməliyyat tədbirləri nəticəsində dekabrın 11-də rayon ərazisindəki evlərin birindən kombi aparatı və 9 ədəd radiator oğurlamaqda şübhəli bilinən Bakı şəhər sakinləri Əbülfəz İzətullayev və Anar Kərimli saxlanılmışlar.

Oğurluqda şübhəli bilinən Gəncə şəhər sakini Azər Mehdiyev saxlanılmışdır
12 dekabr 2017

Kəpəz RPİ əməkdaşlarının keçirdikləri əməliyyat-axtarış tədbirləri nəticəsində cari ilin may-noyabr ayları ərzində rayon ərazisindəki 7 evdən velosiped, su mühərriki, tütün məmulatı, inşaat materialları və məişət əşyaları oğurlamaqda şübhəli bilinən Gəncə şəhər sakini Azər Mehdiyev saxlanılmışdır.





Çap et  Çap et